Il-kumpanija Liquigas ħabb­ret li l-l-‘working stock’ ta’ ċilindri tal-gass fl-impjant tal-Qajjenza kien spiċċa għal kollox. Hija kkritikat lill-awtoritajiet talli naqsu li jieħdu azzjoni konkreta biex l-Easygas tirritornalha ċ-ċilindri li “qed tikkapparra” u b’hekk il-pajjiż spiċċa f’sitwazzjoni “insostenibbli” fejn mil-lum id-distributuri tal-gass mhux se jkollhom ċilindri x’jgħabbu fuq it-trakkijiet.

Liquigas qalet li hija għamlet dak kollu possibbli biex tħares l-interessi tad-distributuri u l-pubbliku u anke xtrat eluf iktar ta’ ċilindri milli kien meħtieġ fis-sitwazzjoni imma minkejja li kienet ilha għal dawn l-aħħar erba’ xhur titlob lill-awtoritajiet jieħdu passi kontra l-Easygas kollox baqa’ kif inhu.