Philip Azzopardi, ta’ 67 sena minn Birkirkara kien ikkun­dannat għal sitt snin pri­ġunerija filwaqt li Joseph Vella, ta’ 54 sena minn Marsalforn, weħel 18-il xahar ħabs wara li ġimagħtejn ilu kienu nstabu ħatjin f’ġuri li għenu immigranti illegali jaħarbu minn Malta.

Is-sentenza mill-Imħallef Mi­chael Mallia ngħatat ilbie­raħ minħabba li dakinhar li ntemm il-ġuri, fil-15 ta’ Frar, Vella kien ħassu ħażin malli nqa­ra l-verdett tal-ġurija u kellu jittieħed għall-kura l-Is­ptar Mater Dei.

Il-każ imur lura għal Lulju tal-2003, meta grupp ta’ 54 im­­migrant illegali kienu ħarbu mid-Depot tal-Pulizija, fil-Floriana. Sussegwentament ir­ri­żulta li dawn l-immigrati kie­­nu qegħdin jinżammu fil-“Marsalforn Guest House”, li hi proprjetà ta’ Vella, biex minn hemm jaħarbu lejn l-Italja. Għal Vella kien deher l-Avukat Manwel Mallia filwaqt li għal Azzopardi deher l-Avukat Arthur Azzopardi.