29 ta’ Jannar, 2010
Il-Federazzjoni Kaċċaturi Nassaba Konservazzjonisti (FKNK) kitbet ittra lill-Prim Ministru Lawrence Gonzi fejn qaltlu li qiegħda tistenna lill-Gvern jiftaħ l-istaġun tal-kaċċa fir-rebbiegħa.
Fl-ittra, l-għaqda irreferiet għas-sentenza mogħtija mill-Qorti Ewropea tal-Ġustizzja fejn din qalet li l-kaċċa fil-ħarifa mhix alternattiva għal dik fir-rebbiegħa u sostniet li s-sentenza tiġġustifika l-ftuħ tal-istaġun tal-kaċċa u l-insib fir-rebbiegħa. L-għaqda rreferiet għall-petizzjoni li qiegħda tiġbor il-Birdlife (Malta) u waqt li ddeskrivitha bħala turija ta’ kemm din l-għaqda mhix taċċetta d-deċiżjoni tal-Qorti Ewropea saħqet li l-qtil tat-tajr protett mhux relevanti għall-kwistjoni.
