Fondi tal-Unjoni Ewropea

Dwar l-istatus ta’ Objective 1 ta’ Malta għall-fondi tal-Unjoni Ewropea, għal darb’oħra qed ikompli joħroġfiċ-ċar kemm hu dgħajjef il-Prim Ministru meta quddiem il-Kummissarju Ewropew ma tniffisx għad-dikjarazzjoni tal-istess Kummissarju li tgħid li Malta mhijiex se tikkwalifika għall-istatu ta’Objective 1.

Ir-risposta tal-Gvern li qed jinnegozja dwar din ma hijiex kredibbli għax kieku l-ewwel wieħed li jkun jaf li għaddejjin dawn in-negozjati kien ikun il-Kummissarju Ewropew stess.

Hija ċara li Lawrence Gonzi mhux lest jiddefendi l-interessi ta’Malta meta ffaċċjat b’dikjarazzjoni tant skjetta minn Kummissarju Ewropew.


Trasport Pubbliku

Il-biki tal-kukkudrill tal-Prim Ministru dwar il-fjask fit-Trasport Pubbliku ma jiswa’ xejn jekk ma tintrefax, kif suppost, responsabbiltà politika mill-Ministru tat-Trasport Austin Gatt.

In-nuqqas ta’ azzjoni mill-Prim Ministru li tkellem għall-ewwel darba dwar it-Trasport illum turi li mhuwiex fil-kontroll tal-Partit tiegħu u tkellem dwar dan is-suġġett biss għax għandu kriżi.