Id-Deputat Nazzjonalista Franco Debono għadu determinat li jastjeni fil-vot li se jittieħed fl-4 ta’ Novembru fuq il-mozzjoni tal-PL li fiha qed tintalab ir-riżenja tal-Ministru Austin Gatt.
Waqt laqgħa tal-Eżekuttiv tal-PN li sari l-ħamis, Debono baqa’ jinsisti fuq il-pożizzjoni tiegħu. Laqgħa oħra mistennija ssir nhar it-Tnejn li ġej.

Sadanittant, l-Oppożizzjoni għadha tinsisti li l-Ministru u l-appuntati politiċi tiegħu li flimkien miegħu kellhom x’jaq­s­­mu mar-riforma tat-trasport pub­bliku għandhom jerfgħu r-responsabbiltà u jirriżenjaw.

Il-Kelliem Ewlieni dwar it-trasport u l-Affarijiet Marittimi, Joe Sammut, fakkar li l-PL ilu mill-bidu li saru l-bidliet fit-trasport pubbliku juri lill-Gvern li l-poplu mhux moqdi. Kienet biss l-insensittività tal-PM Gonzi, il-Ministru Gatt u l-appuntati politiċi tagħhom li wasslet għal dan il-falliment.