Illum se jkun qed jiltaqa’ l-Kumitat għax-Xogħol tal-Kam­ra, fejn mistenni jkun determi­nat kif se jkun qed jittieħed il-vot tat-Tieni Qari nhar l-Erbgħa.

S’issa għadu ma ntlaħaqx qbil bejn iż-żewġ naħat, bl-Op­pożizzjoni tisħaq li għandu jingħajjat l-isem ta’ kull deputat biex jiddikjara kif se jivvota. Min-naħa l-oħra, li kien għall-esponenti min-naħa tal-Gvern, ma jkunux mgħajtin l-ismijiet tal-Membri Parlamen­tari kollha.

Waqt laqgħa tal-Grupp Parlamentari tal-Partit Nazzjonalista li tlaqqa’ ftit tal-jiem ilu tressqet l-idea li waqt il-vot ma jkunx mgħajjat ‘division’. Madankollu din l-idea kienet irrifjutata, bħalma kienet rif­ju­tata wkoll l-idea li jingħajtu biss l-ismijiet tal-Membri Par­la­mentari li huma bi ħsiebhom jivvotaw favur.
.