Id-Deputat Mexxej tal-Partit Laburista għall-Affarijiet tal-Parlament Anġlu Farrugia qal li f’Malta l-Gvern Nazzjonalista għadu bla ħeġġa li jilleġiżla l-protezzjoni tax-xhieda. Dr Farrugia qal dan meta kien qiegħ­ed jieħu sehem f’laqgħa tal-OSCE f’Belgrad fejn kien qiegħed jirrappreżenta l-Op­po­żizzjoni Laburista.

Fid-diskors tiegħu Dr Farrugia tkellem dwar il-pjan tal-Partit Laburista biex ikunu protetti x-xhieda meta jsiru investigazzjonijiet u eventwal­ment prosekuzzjoni ta’ kor­ruzz­joni politika. Ir-riżoluzz­joni li ppreżenta d-Deputat Mexxej tal-PL saret flimkien ma’ dik ta’ Jen Charles Gardetto ta’ Monaco. Anġlu Farrugia qal li l-Konvenzjoni tal-Ġnus Magħquda dwar ‘trans organized crime’ u dik dwar il-korruzzjoni kif ukoll il-Protokol ta’ Palermo dwar il-protezzjoni tax-xhieda huma importanti biex jiġi ssalvagwardjat id-dritt li xhud jixhed mingħajr biża’ biex issir il-ġustizzja b’partikolari f’reati kontra l-umanità imma wkoll f’każijiet ta’ korruzzjoni politika.